„Dell“ објави приход за четвртиот квартал кој е помал од очекувањата на Волстрит. Тие беа оптоварени од послабата побарувачка за традиционални персонални компјутери и конкуренцијата од другите производители на сервери.
Веста ја намали цената на акциите на гигантот за повеќе од 10% во после-пазарното тргување.
И покрај зголемената побарувачка за сервери на „Dell“ оптимизирани со вештачка интелигенција, сегментот на персонални компјутери се бори со силна конкуренција и слабото трошење на потрошувачите во услови на економска несигурност.
Корпоративните клиенти се претпазливи околу трошењето на персонални компјутери и информатичка технологија во блиска иднина, рекоа директорите на „Dell“ по извештајот, додавајќи дека бизнисот со решенија за потрошувачи се покажа послаб од очекуваното.
„Dell“ предвидува приходи за четвртиот квартал меѓу 24 милијарди долари и 25 милијарди долари. Просечната прогноза на аналитичарите е за 25,57 милијарди. долари, според податоците собрани од „LSEG“.
„Целиот пазар на компјутери е во транзиција и се движи кон функционалност на вештачка интелигенција на уреди кои сè уште не се дефинирани и се очекува да се зацврстат во 2025-та година“, коментира Гајо Севиља, виш аналитичар, вештачка интелигенција и технологија во „Emarketer“.
Приходите од групата решенија за клиенти на „Dell“, која го вклучува бизнисот со персонални компјутери, достигна 12,13 милијарди долари, што е под прогнозата на аналитичарите за 12,43 милијарди долари.
Во меѓувреме, инвеститорите внимателно ги следат трошоците на „Dell“ откако компанијата во мај соопшти дека повисоките трошоци за изградба на сервери за вештачка интелигенција и конкурентните цени ќе им наштетат на нејзините маржи.
„Интересот за нашето портфолио е на највисоко ниво на сите времиња, што резултира со рекордна побарувачка за нарачки на сервери за вештачка интелигенција од 3,6 милијарди долари во третиот квартал и нарачките кои пораснаа за повеќе од 50%“, коментираше директорот на „Dell“, Џеф Кларк.
Приходите од единицата за инфраструктурни решенија на компанијата, која го вклучува нејзиниот бизнис со сервери со вештачка интелигенција, се зголемија за 34 отсто на 11,37 милијарди долари и ги победија прогнозите.
„Dell“ објави приход од 24,37 милијарди долари. долари за третиот квартал, што е под прогнозата за 24,67 милијарди долари.
