Кој колку должи – УЈП ја објави најновата Листа на должници бр. 11/2024

Управата за јавни приходи ја објави Листата на должници бр. 11/2024 за долгови доспеани до 31.07.2024 и неплатени до 31.10.2024 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.

На Листата на должници бр.11/2024 објавени се 1984 должници – правни лица (повеќе за 8 од претходната листа) и 3830 физички лица (повеќе за 44 од претходната листа).

Вкупно објавениот нето долг во Листата бр.11/2024 изнесува 11.104.475.695 денари, (повеќе за 50.570.924 денари од претходната листа).

Нето-долгот за даноци и придонеси изнесува 10.946.365.817 денари, (повеќе за 50.570.924 од претходната листа), додека долгот за царински давачки е 158.109.878 денари (ист износ како од претходната листа).

Комплетната Листа на должници можете да ја погледнете тука.