Израелскиот Канал 12 доби потврда од висок израелски функционер дека лидерот на Хамас Јахја Синвар е елиминиран.
Претходно беше објавено дека израелската војска истражува дали водачот на Синвар е убиен во напад за време на операциите во Појасот Газа.
Синвар, главниот архитект на нападот на Израел од 7 октомври 2023 година, кој ја започна војната во Газа, беше именуван за лидер на Хамас по убиството на тогашниот водач Исмаил Ханија во Техеран во август. Смртта на лидерот на Хамас би била „важен чекор кон ставање крај“ на војната во Газа, изјави поранешниот шеф за истражување и анализа на израелската национална разузнавачка агенција.
Сима Шајн објасни дека Јахја Синвар е „личноста што одлучила“ да го изврши нападот врз Израел на 7 октомври минатата година. „Она што Израел сака да го постигне во Газа е да обезбеди Хамас повеќе да не владее со Газа и да не може да планира каков било напад врз Израел“, рече таа.
„Синвар беше фокусна точка во овој естаблишмент во Газа… Но колку повеќе Хамас е ослабен, толку подобро стоиме во процесот на изнаоѓање политичко решение“, додаде таа.
Јахја Синвар беше именуван за генерален лидер на Хамас во август, по убиството на неговиот претходник Исмаил Ханије во Техеран. Тој претходно беше лидер на групата во Појасот Газа, а таа функција ја презеде во 2017 година.
Синвар моментално е на врвот на листата на најбарани во Израел. Државните безбедносни агенции веруваат дека тој го предводел планирањето и извршувањето на масакрот во јужен Израел на 7 октомври 2023 година, во кој беа убиени повеќе од 1.200 луѓе, а 251 лице беа киднапирани и однесени во Газа.
Роден е во бегалскиот камп Кан Јунис во јужна Газа во 1962 година. Во доцните 1980-ти, Синвар ја основал безбедносната служба на Хамас, позната како Мајд, која, меѓу другото, убивала Палестинци кои ги обвини за соработка со Израел.
Поминал голем дел од животот во израелски затвор, а по третото апсење во 1988 година бил осуден на четири доживотни затворски казни.
Синвар беше меѓу 1.027 палестински и израелски арапски затвореници ослободени од Израел во размената во 2011 година за Гилад Шалит, израелски војник кој беше заробен од Хамас во Газа повеќе од пет години.
