Четворица војници загинаа, а повеќе од 60 лица се повредени во напад со беспилотно летало врз воена база во северниот дел на Израел, соопштија израелските одбранбени сили (ИДФ). Додадоа дека седум војници биле тешко повредени во нападот на базата кај Бињамин,. град кој се наоѓа на околу 33 километри јужно од Хаифа.
Тоа е еден од најкрвавите напади врз Израел од почетокот на војната во октомври минатата година.
Хезболах ја презеде одговорноста за нападот, велејќи дека целта бил камп за обука на бригадата Голан на израелските одбранбени сили (ИДФ) во областа, лоцирана меѓу Тел Авив и Хаифа.
Канцеларијата за медиуми на вооружената група соопшти дека нападот бил одговор на израелските напади во четвртокот во јужен Либан и Бејрут, во кои загинаа 22 лица, а беа ранети 117, соопшти либанското Министерство за здравство.
Групата соопшти дека го нападнала кампот во северен Израел користејќи „рој дронови“.
Во нападот се ранети околу 60 луѓе. Многу од повредените се пренесени во медицинскиот центар Хилел Јафе во блиската Хадера, додека други се пренесени во болниците во Тел Хашомер, Хаифа, Афула и Нетања. Тие биле пренесени со возила на брза помош, а дел со хеликоптери.
Неофицијалните извештаи велат дека местото било погодено од нисколетечки дрон, лансиран од Либан – релативно несофистицирано оружје што се чини дека не ги активирало системите за рано предупредување.
Деталите сè уште се ретки, но се чини дека многу од повредените биле во комуналната менза во моментот на нападот и биле фатени целосно небезбедни. На социјалните мрежи кружат слики од празна менза со дупка на покривот.
Од другата страна на границата, либанското Министерство за здравство извести дека во саботата во израелските напади загинале 51 лице, а биле ранети 174 лица. Министерството во неделата соопшти дека повеќето од загинатите се во јужен Либан, во близина на градот Набатеа, еден ден претходно.
