Коста Кечмановиќ на денешното сведочење во Специјалниот суд во Србија изнесе нови детали кои според него го навеле да го изврши масакрот во ОУ „Владислав Рибникар“ на 3 мај минатата година.
Момчето-убиец денеска сведочеше во Специјалниот суд во постапката против неговите родители Владимир и Миљана Кецмановиќ, а неговото сведочење траеше цели 3 часа, по што беше изнесен од судницата и вратен на Клиниката за неврологија и психијатрија за Деца и млади.
По неговото сведочење, во кое ги обвини родителите за масакрот, се огласија адвокатите на семејството Кечмановиќ, како и адвокатите на жртвите.
Малолетниот убиец рекол дека неговата мајка е виновна за масакрот, додека неговиот татко е виновен во смисла дека пиштолот му бил достапен.
-Беше лута што не бев најдобар. Бев лут на неа што постојано го бараше тоа, тоа влијаеше да направам масакр. Таа ми викаше и ме притискаше – истакна момчето убиец.
-Да го немав пиштолот на татко ми, немаше да го сторам ова – рекол Коста.
Коста наеднаш поцрвенел по прашањето што му го поставила Сузана Станковиќ Чикиќ, мајката на убиениот Андрија Чикиќ.
-Наеднаш поцрвене во лицето и ја обеси главата, по што му пријдоа лекари за да му го измерат притисокот. Судијата го праша сведокот како се чувствува и дали може да продолжи да одговара на прашањата, на што тој одговори потврдно. Бидејќи лекарите констатирале дека неговата здравствена состојба не е нарушена, прегледот продолжил – вели добро упатен извор за Република.рс.
Момчето убиец кое на 3 мај минатата година го изврши масакрот во ОУ „Владислав Рибникар“, денеска за прв пат откако уби невини деца и училишниот чувар се најде лице в лице со семејствата на своите жртви, но и со неговите родители, со кои откако е обвинението му беше забрането да комуницира.
