Со лансирањето на верзијата „Turbo S“, „Porsche“ ја заклучува гамата на редизајнираниот модел „Panamera“.
Porsche Panamera Turbo S за 2014-та година (фото)
„Porsche Panamera Turbo S“ се придружи на стандардната верзија на „Panamerа“ и моделите „Turbo“ и „E-Hybrid“ кои беа претставени во текот на 2013-та година.
Автомобилот има исти стилски подобрувања како и останатите модели за 2014-та година. Во однос на претходната верзија, редизајниран е предниот браник и „LED“ светлата. Позади „Panamera“ доби поголем простор на петата врата, а исто така и нов браник.
Новата верзија на моделот „Turbo S“ е за 20 ks (15 kW) помоќна од својот претходник, па така 4.8 литарскиот „twin-turbo“ V8 мотор сега произведува 570 ks (419 kW). Дополнителна моќ е обезбедена благодарејќи на новиот турбо-полнач со поголем компресор кој овоможува подобар проток на воздух и соговрување.
Благодарејќи на овие подобрувања, „Panamera Turbo S“ oд 0 дo 96 km/h (0-60 milja na čas) стигнува за само 3.6 секунди, додека максималната брзина е 309 km/h.
Покрај стандардниот „Turbo S“ модел на купувачите ќе им биде понудена и верзијата „Executive“ со продолжено меѓуосовинско растојание за 150 mm со што ќе се добие дополнителен комфор за патниците на задните седишта.
„Porsche Panamera Turbo S“ за 2014-та година ќе има премиера на претстојниот саем за автомобили во Токио кој ќе се одржи во ноември.