Утрово Хутите, кои го контролираат северниот дел на Јемен, истрелаа ракета која првпат стигна до центарот на Израел, погодувајќи ненаселена област и немаше повредени, пренесува Ројтерс.
Сирените за воздушен напад се огласија во Тел Авив и низ централен Израел неколку моменти пред проектилот да ја погоди областа, поради што жителите побегнаа за да се засолнат.
„По сирените што неодамна се огласија во централен Израел, беше идентификувана ракета земја-земја која премина во централен Израел од исток и падна на отворен простор. Не е пријавено дека има повредени“, соопштија од армијата.
Заменик-шефот на медиумската канцеларија на Хутите, Насрудин Амер, во објава на Х изјави дека јеменската ракета стигнала до Израел откако „20 проектили не успеале да ја пресретнат“ и дека ова е „почеток“.
Во соопштението на Телеграм, групата рече дека наскоро ќе објави детали за „квалитативната операција насочена длабоко во ционистичкиот ентитет“.
Ова е првпат Хутите да навлезат длабоко во израелскиот воздушен простор со проектил. Тие лансираа проектили кон Израел неколку пати од почетокот на војната во Газа минатиот октомври, но повеќето од нив беа соборени.
Во јули, беспилотно летало Хута стигна до Тел Авив, при што загина еден маж, а четворица беа повредени. Нападот го поттикна Израел да изврши голем воздушен напад врз воени цели на Хутите во близина на јеменското пристаниште Ходеида, при што загинаа шест лица, а 80 беа повредени.
Израелската армија, исто така, објави дека во неделата биле истрелани 40 проектили од Либан кон Израел и биле пресретнати или паднати на отворени области.
Нема пријавени повредени“, соопштија од армијата.
