Портпаролот на Белата куќа за национална безбедност Џон Кирби денеска изјави дека Соединетите Американски Држави се уште не го промениле ставот за употребата на ракети со долг дострел на територијата на Руската Федерација.
Кирби изјави дека не очекува дека денешниот разговор меѓу американскиот претседател Џозеф Бајден и британскиот премиер Кир Стармер ќе резултира со најава за промена на американската политика во однос на употребата на ракети на руска територија.
„Нема промена во нашата позиција во однос на обезбедувањето на Украина со способност да напаѓа со оружје со долг дострел во Русија“. Не би очекувал некоја голема објава во тој поглед“, рече Кирби, пренесе Ројтерс.
Тој нагласи дека САД сериозно го сфаќаат предупредувањето на рускиот претседател Владимир Путин дека ќе го сметаат Западот директно вклучен во конфликтот доколку Украина истрела западни ракети со долг дострел кон Русија.
„Ова не е реторика што досега не сме ја слушнале од него. Јасно се покажа дека е способен за агресија… Да, сериозно ги сфаќаме овие коментари“, изјави Кирби.
