Германскиот канцелар Олаф Шолц повторно повика на нова мировна конференција за ставање крај на војната во Украина – со Москва на преговарачка маса.
„Сега е моментот, сега е време да се испитаат какви можности постојат“, рече Шолц во Бундестагот, јави ДПА.
„Ни треба уште една мировна конференција. И Русија треба да седне на маса. Тоа е задачата што треба да ја завршиме сега. Да се испита што е можно“.
На првата конференција во Швајцарија немаше руски претставник.
Тој истакна дека некои германски граѓани гласале за десничарските и други популистички партии бидејќи не се согласуваат со поддршката на Германија за Украина. Сепак, тој нагласи дека е правилно „да се поддржува Украина се додека е потребно“.
Во исто време, тој рече дека „ќе се направи сè за да се обезбеди праведен мир кој не е диктиран мир или капитулација и кој ги почитува интегритетот и суверенитетот на Украина како нападната земја“.
