Американскиот рок-музичар Џон Бон Џови е фатен на камерата како се обидува да убеди „очајна“ жена да се тргне од ивицата на мостот во Нешвил.
Американскиот пејач наводно снимал спот за песната на неговиот бенд „The People’s House“ на пешачки мост кога забележал жена од другата страна на оградата.
На снимката од надзорната камера споделена од локалната полиција се гледа како фронтменот Бон Џови и член на неговата екипа и приоѓа на вознемирената жена. Потоа се потпрел на оградата и почнал да разговара со неа, повикувајќи ја да се врати на безбедно, по што и помогнал да се прекачи преку оградата.
Бон Џови потоа се прегрна и стоеја така околу една минута, пред заедно да одат по мостот.
Полицискиот оддел во Нешвил го сподели видеото на својот канал на Јутјуб и рече дека пејачот и помогнал на „очајната жена“.
NEW: Singer Jon Bon Jovi saves a woman from jumping off a bridge in Nashville, Tennessee while filming a music video.
— Collin Rugg (@CollinRugg) September 11, 2024
Good man.
Bon Jovi was seen approaching a 62-year-old woman on the John Seigenthaler Pedestrian Bridge.
The musician leaned over the railing before… pic.twitter.com/msyGSU3hQW
Секоја чест за Џон Бон Џови и неговиот тим што и помогнаа на една жена на пешачкиот мост Сајгенталер во вторникот вечерта. „Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Фондацијата JBJ Soul на пејачот им нуди поддршка на бездомниците и гладните, а тој самиот пројде опсежна обука за кризна комуникација.
