Американскиот државен секретар Ентони Блинкен денеска изјави дека американскиот претседател Џозеф Бајден „не ја исклучува“ можноста да дозволи Украина да истрела проектили длабоко на руската територија.
Во интервју за Sky News, Блинкен рече дека Иран и обезбедил на Москва ракети со краток дострел и дека „рускиот претседател Владимир Путин најверојатно ќе ги користи во следните неколку недели кога ќе ја нападне Украина“.
Запрашан дали Вашингтон би одобрил таков потег, доколку дојде до конфликт, Блинкен одговори дека САД направиле се за да се осигура дека Украина ќе го добие „она што и треба за да биде ефикасна во одбивањето на руската агресија“ од февруари 2022 година.
Но, тој додаде дека Вашингтон мора да разгледа и други фактори, како на пример дали украинските сили можат да користат и одржуваат „софистицирани системи“ обезбедени од западните сојузници.
„Сето тоа треба да се земе предвид. Но, она што можам да го кажам е дека го приспособивме секој чекор од патот за време на војната и ќе продолжиме да го правиме тоа, што значи дека не исклучуваме ништо од ова. Ние никогаш не сме го отфрлиле тоа.
