Овој уникатен автомобил е направен по нарачка од американски клиент и претставен во Монтереј, Калифорнија.
„Targamerica“ е кабриолет верзија на моделот „Battista“, односно, како што сугерира името, автомобил чија каросерија е дизајнирана во стилот „targa“.

„Pininfarina“ наведува дека нивниот модел бил познатиот „Ferrari Testarossa Spider“. Тоа е видливо и при изборот на комбинација на бои – „Argento Liquido Gloss“ сребрен со детали во „Iconica Blu Gloss“ сина нијанса, исто како уникатниот „Ferrari Spider“ што го возеше Џани Ањели во осумдесеттите години на минатиот век.
Покрај специфичниот дизајн на задниот дел од автомобилот, на листата на нови елементи во споредба со купе верзијата се и алуминиумските тркала со пет краци, исто така инспирирани од „Ferrari“.

На барање на купувачот, внатрешноста е обложена со кожа, а во цената (која не се открива) е вклучен и специјално дизајниран комплет патни торби.
Електричниот погонски систем остана непроменет, а е познат по стандардниот модел „Pininfarina Battista“, како и од „Rimac Nevera“. Се состои од 4 електромотори со вкупна моќност од 1.900 ks и 2.340 Nm максимален вртежен момент.

Автомобилот достигнува 0-100 km/h за помалку од 2 секунди.
Развојот и производството траеја една година. Имено, неименуваниот муштерија го нарачал своето возило пред точно една година, на истото место – во Монтереј.
