Минатиот месец „Samsung“ ги претстави своите нови телефони на преклопување „Galaxy Z Fold6“ и „Z Flip6“. Последните информации говорат дека ова не е последниот збор на јужнокорејскиот електронски гигант и тврди дека „Samsung“ планира да ја лансира верзијата „Galaxy Z Fold6 Slim“ пред крајот на годината.
Главната карактеристика на новиот модел е тоа што е полесен и потенок од класичниот телефон „Galaxy Z Fold6“. Главниот екран е поголем, но не ја поддржува функцијата „S Pen“.
Корејскиот медиум „The Elec“ откри дека „Samsung“ размислува да користи нерѓосувачки челик или титаниум за задниот панел на моделот „Z Fold6 Slim“. Ако одат со титаниум, ова ќе стане првиот телефон на преклопување „Samsung“ направен од титаниум. „Samsung“ претходно користеше титаниум во моделот „S24 Ultra“.
Разбирливо е дека првата и втората генерација на задните панели на серијата телефони „Galaxy Z Fold“ користеле нерѓосувачки челик. Од третата генерација, армиран пластичен јаглерод се користи за функционалноста на „S Pen“, бидејќи металниот материјал би го попречувал препознавањето на „S Pen“. Бидејќи „Z Fold6 Slim“ нема функција за „S Pen“, не’рѓосувачки челик или уште подобро, титаниумот може да се користи без тешкотии. Сепак, иако титаниумот може да го направи телото полесно и посилно, од друга страна е покомплицирано да се користи во производството.
Според гласините, „Galaxy Z Fold6 Slim“ ќе биде опремен со 8-инчен главен дисплеј и 6,5-инчен надворешен дисплеј. Дебелината на куќиштето ќе се намали на само 11 mm. Новиот водечки телефон се очекува да се нуди само на неколку специфични пазари како Кина и Јужна Кореја. Иако ако е навистина добар и наиде на позитивен одзив кај корисниците, нема причина „Samsung“ да не го понуди на глобалниот пазар.
Од „The Elec“ наведуваат и дека некои делови за „Z Fold6 Slim“ веќе влегле во масовно производство, па се проценува дека „Samsung“ многу брзо ќе донесе одлука за употреба на титаниумски материјал.
