За време на својот хардверски настан, кој се одржа вчера, Google најави и некои новини за вештачката интелигенција.
Google го претстави Gemini Live, кој доаѓа до сите претплатници на Gemini Advanced на англиски јазик, за телефони со Android.
Gemini Live носи искуство за разговор преку мобилен кој му овозможува на корисникот да води течен разговор со моделот Gemini AI, наведува Google. Практично, искуството ќе биде како со Google Assistant, но со додавање на AI подобрувања.
Корисникот може да го прекине Gemini Live среде одговор за да истражи некоја тема подлабоко, или да го паузира разговорот и да се врати на неа подоцна. Gemini Live работи и без раце – можете да разговарате со вештачката интелигенција во заднина или кога телефонот е заклучен. За Gemini Live ќе бидат достапни 10 гласови, а корисникот може да го избере оној кој најмногу му одговара.
Google планира да објави нови екстензии за Gemini во наредните недели. Ова ќе му овозможи да работи со апликации како Keep, Tasks и Utilities, како и да ја прошири својата функционалност на YouTube Music. После тоа доаѓа екстензија за Календар.
Корисниците кои го заменуваат Google Assistant со Gemini на Android можат да ја активираат вештачката интелигенција користејќи ја познатата команда „Hey Google“. Интеракцијата е достапна и за YouTube, како и за Gmail и Google Messages.
Google ветува дека во наредните месеци ќе се фокусира на брзината и квалитетот кога станува збор за Gemini и ќе најави подлабока интеграција со Google Home, Phone и Messages услугите.
