Украинскиот претседател Володимир Зеленски изјави во неделата дека воениот упад во рускиот регион Курск имал за цел создавање тампон зона за да се спречат понатамошни напади од Москва преку границата.
Ова е првпат Зеленски јасно да ја каже целта на операцијата што беше започната на 6 август. Тој претходно рече дека целта на операцијата е да се заштити населението во пограничниот регион Шуми од постојано гранатирање.
Зеленски рече дека „сега примарна задача во одбранбените операции е да се уништи што е можно повеќе од воениот потенцијал на Русија и да се спроведат максимални контраофанзивни дејства. Тоа вклучува создавање тампон зона на територијата на агресорот“.
Зеленски ја повика Велика Британија затоа што, како што вели, тие забавиле во нивните напори да и помогнат на Украина.
Украинската противвоздушна одбрана ги собори сите 11 нападни беспилотни летала Шахед, лансирани од Русија во текот на ноќта, објавија воздухопловните сили, пренесува Киев Индипендент.
Русија наводно лансирала беспилотни летала од областа Курск, како и од регионот Краснодар.
Беспилотните летала беа соборени над регионите Миколаев, Черкаси, Виница, Киев, Дњепропетровск, Харков, Суми и Доњецк, соопшти украинското воздухопловство. Нема извештаи за штети или жртви како резултат на соборените дронови.
Американскиот сенатор Марк Кели изјави во интервју за Си-Би-Ес дека украинскиот упад во Курската област може да и помогне на Украина да го промени текот на војната во корист на земјата, пишува Киев Индипендент.
Зборувајќи за упадот на Украина во Курската област, Кели рече дека верува оти „Украинците направиле нешто непредвидливо што навистина може да го промени текот на овој конфликт“, истакнувајќи дека повеќе од 130.000 Руси биле принудени да ги евакуираат регионите во близина на границата.
На прашањето дали на сенаторот од Аризона му е „удобно“ со тоа што Украина користи оружје обезбедено од САД во регионот Курск, Кели одговори: „Да“.
„Украинците беа незаконски нападнати од (рускиот претседател) Владимир Путин… Мислам дека Украинците не сакаат намерно да ја држат руската територија на долг временски период, но тоа навистина го врати Путин на неговите потпетици“, рече Кели.
Демократскиот сенатор станува третиот американски сенатор кој јавно изразил поддршка за украинската инвазија на Курск. Американските сенатори Линдзи Греам и Ричард Блументал ја изразија својата поддршка за украинскиот упад во руската област Курск за време на нивната посета на Киев на 12 август.
Украинскиот напад врз областа Курск е првпат по Втората светска војна странска армија да се бори во Русија. Ова е драматичен и неочекуван развој на ситуацијата во војната, речиси две и пол години откако Владимир Путин нареди целосна инвазија на Украина.
Би-Би-Си разговараше со Русите во градот Алексин, на околу 160 километри од Москва. Тие рекоа дека се загрижени за настаните на југ и дека никој не очекувал дека руската граница ќе биде пробиена. Сите зборуваат за потребата од мир, но нема заеднички став за тоа како може да се постигне овој мир.
Некои Руси повикуваат на „мир под условите на Русија“ (со други зборови, целосна капитулација на Украина), додека други изразуваат надеж дека Москва и Киев ќе седнат на преговарачка маса и ќе најдат начин да го прекинат конфликтот.
Борбениот бомбардер на коалицијата предводена од САД во Сирија во неделата „опасно“ се доближил до руски авион за набљудување над провинцијата Хомс, објави руската државна новинска агенција ТАСС, цитирајќи руски воен претставник во оваа блискоисточна земја.
Соединетите Држави имаат 900 војници во Сирија и 2.500 во соседен Ирак во мисија да ги советуваат и да им помагаат на локалните сили кои се обидуваат да го спречат обновувањето на Исламската држава, која зазеде големи делови од тие земји во 2014 година, но подоцна беше потисната.
„Коалициониот ловец-бомбардер Ф/А-18 дојде во опасен контакт со авион Ан-30 на руските вселенски сили, кој вршеше планиран лет во сирискиот воздушен простор“, го цитира ТАСС капетанот Олег Игнасјук, заменик-шеф на руската Центар за помирување на спротивставените страни во Сирија.
„Руската екипа, покажувајќи голем професионализам, веднаш ги презеде неопходните мерки за да го спречи судирот“, рече Игнасјук.
Инцидентот се случил над областа Ал Танф во Хомс, јави ТАСС.
Ројтерс не можеше независно да го потврди извештајот, а американското Министерство за одбрана не одговори веднаш на барањето на Ројтерс за коментар на извештаите во медиумите.
САД имаат воена база во регионот Ал Танф во Сирија.
