Титулата за најмоќен пасош во светот неодамна му беше доделена на Сингапур.
Наградата за 2024 година, според „Henley Passport Index“, е доделена на пасош кој обезбедува „ранг меѓу сите светски пасоши според бројот на дестинации до кои нивните сопственици можат да пристапат без виза“.
Граѓаните на Сингапур можат да патуваат до 195 дестинации без виза, додека САД не влегоа ниту во првите пет, заземајќи го 8-то место на листата со пристап до „само“ 186 дестинации, објави Њујорк пост.
Индексот беше лансиран од лондонската советодавна компанија за глобално државјанство и престој Henley & Partners.
Второто место го делат Јапонија, Германија, Франција, Италија и Шпанија, чии граѓани без виза можат да посетат 192 земји.
На трето место се седум земји: Јужна Кореја, Шведска, Финска, Австрија, Ирска, Луксембург и Холандија, кои можат да посетат 191 земја без виза.
На четврто место се Велика Британија, Нов Зеланд, Норвешка, Белгија, Данска и Швајцарија со безвизен влез во 190 земји, додека Австралија и Португалија го зазедоа петтото место со 189.
Македонскиот пасош го зазема 41. место и нашите граѓани може да патуваат без виза во 128 земји.
На последно место е Авганистан, чии граѓани без виза можат да патуваат во само 26 земји.
