Научниците предупредуваат на опасноста од западната исхрана за човечкото тело.
Како што се испостави, од шесте популарни типови на исхрана, западниот стил е тој што може да доведе до рак на дебелото црево, пишува Nature.com.
Експертите проучувале шест популарни типови на исхрана и нивното влијание врз цревниот микробиом: медитеранска, растителна, кето, високо-протеинска, западна исхрана и исхрана богата со влакна. Само западната исхрана има негативен ефект врз здравјето на цревниот микробиом. Се базира на брза храна, пржено месо, сокови, слатки и млечни производи.
„Многу масти и шеќери и недостатокот на влакна не дозволуваат цревата да произведуваат масни киселини со краток синџир во количини потребни за енергетскиот метаболизам и правилното функционирање на имунолошкиот систем“, пишуваат научниците во својот заклучок.
Се покажа дека западната исхрана предизвикува неколку болести: колоректален карцином, улцеративен колитис и Кронова болест.
Кога станува збор за најкорисната исхрана, научниците заклучиле дека тоа е медитеранската исхрана. Поволно делува на организмот при кардиоваскуларни патологии, воспаленија на цревата и дијабетес тип 2,
Медитеранската исхрана подразбира урамнотежена исхрана со многу зеленчук, агруми, цели зрна, мешунки, морски плодови и малку црвено месо. Веќе неколку години по ред е прогласена за најдобра во светот, а богата е со омега-3 масни киселини, влакна, витамини од групата Б и разни антиоксиданси.
