Профитот на американската банка „Morgan Stanley“ во вториот квартал ги надмина очекувањата благодарение на зголемувањето на инвестициското банкарство кое беше донекаде пригушено од слабиот раст на управувањето со богатството.
Растот на приходите од управувањето со богатството забави на 2% во вториот квартал, во споредба со скокот од 16% претходната година. Нето-новите средства изнесуваат 36,4 милијарди долари, што е намалување од 89,5 милијарди долари минатата година. Приходите на единицата од 6,79 милијарди долари малку ги пропуштија очекувањата на Волстрит, според податоците на „LSEG“.
„Приходите од институционални хартии од вредност се зголемија за 23% во кварталот до 7 милијарди долари, а приходите од инвестициското банкарство се зголемија за 51% до 1,62 милијарди долари во вториот квартал. Бизнисот со инвестициско банкарство е во „рана фаза на закрепнување“ со широк раст во секторите и регионите“, изјави за „Reuters“, главниот финансиски директор Шерон Ешаја.
„Проектите за инвестициско банкарство се робусни и разновидни, дијалозите се активни и пазарите отворени“, им рече таа подоцна на аналитичарите на конференциска повик.
На планот на благосостојбата, растот на нето новите средства може да биде нерамномерен, додаде таа.
Резултатите одразуваат „вкупно солиден квартал“, пишуваат аналитичарите на „Citigroup“.
Под водство на поранешниот извршен директор Џејмс Горман, бизнисот со богатство на банката напредуваше и генерира постабилна заработка од понестабилните и пазарно чувствителни бизниси како што се инвестициското банкарство и тргувањето со хартии од вредност.
„Morgan Stanley“ има за цел да управува со имотот на клиентите од 10 трилиони долари.
Нето приходот на банката се зголеми на 3,1 милијарди долари, или 1,82 долари по акција, во трите месеци што завршија на 30 јуни, во споредба со 2,2 милијарди долари или 1,24 долари по акција, една година порано. Според „LSEG“, аналитичарите во просек очекуваа 1,65 долари.
Вкупниот приход на „Morgan Stanley“ за кварталот од 15,02 милијарди долари, исто така, ги надмина очекувањата на Волстрит, а банката објави зголемување од 7,5 центи на својата квартална дивиденда на 0,925 долари по акција.
