Палестинските здравствени власти вечерва соопштија дека најмалку 19 лица загинале, а десетици се ранети во израелски воздушен напад на училиште на југот на Појасот Газа, каде што се засолниле раселените Палестинци.
Министерството за здравство и портпаролот на локалната болница го потврдија бројот на жртвите и рекоа дека бројот на жртвите брзо ќе расте бидејќи има многу повредени. Израелската војска веднаш не го потврди нападот.
Израелски авиони денеска силно го бомбардираа и градот Газа на север, поради што илјадници Палестинци избегаа во засолништа и затворени здравствени установи поради најновата офанзива во северниот дел на Појасот.
Хамас предупреди дека проширувањето на израелските воени операции во главниот град на Газа и раселувањето на илјадници жители ќе има катастрофални последици за разговорите насочени кон воспоставување на прекин на огнот и ослободување на израелските заложници.
