Напаѓачот на Реал Мадрид, Карим Бензема продолжува да разочарува со своите настапи и по се изгледа дека неговите денови на „Сантијаго Бернабеу“ се изброени.
Францускиот репрезентативец е посакуван од Арсенал, но сега во трката за голгетерот на „кралевите“ се вклучи и Интер, кој исто така може да се направи обид да го доведе во своите редови. Таква е идејата на новиот сопственик на „нероазурите“, Ерик Тохир кој сака да доведе барем едно големо име на „Џузепе Меаца“ во текот на зимата.
Индонезиски бизнисмен смета дека Бензема е соодветна цел, бидејќи во сегашната ситуација неговата цена не е невозможна, а во исто време тој брзо може да стане водечка фигура за тимот на Валтер Мадзари.
