Годишната инфлација во еврозоната во мај годинава се очекува да биде 2,6 отсто, објави статистичката агенција на ЕУ, Евростат.
Тоа значи дека годишната инфлација во еврозоната ќе биде зголемена во однос на април кога изнесуваше 2,4 отсто.
За растот на цените најмногу придонесоа услугите, чија инфлација скокна од 3,7 на 4,1 отсто, додека растот на цените на храната забави од 2,8 отсто во април на 2,6 отсто во мај.
По подолго време, енергијата придонесе за инфлацијата со пораст на цената од 0,3 отсто, додека во април е забележан нејзин годишен пад на цената од 0,6 отсто.
