Туристичкиот сектор во Македонија бара формирање на посебно Министерство за туризам. Туристичките работници и економски експерти се согласуваат дека оваа гранка може да донесе значителни приходи, но само ако се управува соодветно.
Еден од економските експерти, во разговор за Денар, вели:
„Туризмот е потенцијален извор на приходи за нашата земја. Доколку се формира Министерство за туризам, со компетентни луѓе кои ќе се зафатат со решавање на проблемите во секторот, можеме да го искористиме овој потенцијал. Но, важно е да се управува соодветно, да се инвестира во маркетинг и да се поддржуваат локалните заедници”.
Со формирање на Министерство за туризам, може да се подобри координацијата меѓу различните сектори, да се развиваат нови туристички продукти, и да се привлечат повеќе туристи.
Оваа гранка има потенцијал да донесе големи пари, но е важно да се управува со мудрост и стратегија, посочуваат економистите.
„Сепак, пред да се формира Министерство за туризам, може да се размисли за формирање на Комитет за туризам, кој ќе го пополни празниот оддел во рамките на друго министерство. Овој Комитет би можел да го подготви теренот за успешното функционирање на Министерството за туризам“, велат експертите.
Во „Платформата 1198“ ВМРО-ДПМНЕ предвиде туризмот од Министерството за економија да влезе во рамки на Министерството за култура.
Дали со формирањето на новата влада туристичкиот сектор ќе добие свое министерство или ќе се префрли од Економија во Култура како сектор ќе биде познато по формирањето на владата кое треба да биде најдоцна до 20 јуни.
Б.З.М.
