Иран побара помош од Америка откако хеликоптерот со иранскиот претседател Ебрахим Раиси се урна во планините во близина на границата со Азербејџан, соопшти денеска портпаролот на Стејт департментот Метју Милер.
Тој им рече на новинарите дека САД „од логистички причини“ не можеа да му пружат помош на Иран, пренесува Ројтерс.
Тој нагласи дека смртта на Раиси не го менува „фундаменталниот однос на Вашингтон кон Иран“.
– Ќе продолжиме целосно да го спроведуваме режимот на санкции, меѓу другото, на авионите што ги користи иранската влада – рече Милер.
Хеликоптер со иранскиот претседател Ебрахим Раиси и министерот за надворешни работи Хосеин Амир Абдолахиан се урна во неделата во северозападниот дел на Иран, при што загинаа уште шест лица.
Стејт департментот рече дека Иран е одговорен за смртта на Ебрахим Раиси.
