„Schneider Electric“ е во преговори да ја преземе контролата врз компанијата за инженерски софтвер „Bentley Systems“ во зделка што би можела да вреди повеќе од 15 милијарди долари, пишува „Wall Street Journal“.
Разговорите меѓу компаниите сѐ уште се во рана фаза, а евентуалниот договор ќе му овозможи на „Ѕchneider“ да го спои својот софтверски бизнис со „Bentley“, велат извори запознаени со ова прашање.
„Bentley“ контролиран од семејството има пазарна вредност од 15,6 милијарди долари. Акциите на компанијата ја затворија сесијата во петокот на 52,06 долари, што е раст од околу 4 отсто, откако „Reuters“ објави дека „Bentley“ истражува алтернативи, вклучително и продажба по добивањето понуда за преземање.
Семејството „Bentley“ не е заинтересирано за целосна продажба, додаваат изворите.
Сепак, преговорите со „Ѕchneider“ нема да доведат до договор.
Браќата Кит и Бери Бентли ја основаа компанијата што го носи нивното име во 1984-та година.
Градежните инженери користат софтвер „Bentley“ за моделирање и симулирање на инфраструктурни проекти. Компанијата „Exton“, со седиште во Пенсилванија, произведува софтвер кој се користи за дизајнирање и изградба на патишта и аеродроми, пречистителни станици и канцелариски згради. „Bentley“, кој излезе на берзата во 2020-та година, генерира годишен приход од над 1 милијарда долари.
Во март оваа година, компанијата објави дека нејзиниот извршен директор Грег Бентли, брат на основачите, ќе стане претседател на одборот на директори. Главниот оперативен директор на компанијата, Николас Каминс, ќе биде унапреден во извршен директор од 1-ви јули.
Францускиот „Schneider Electric“, голем производител на електрични производи и производи за автоматизација, може да се пофали со пазарна капитализација од околу 120 милијарди евра.
Во минатото, „Schneider“ се фокусираше на аквизиции, особено во Британија, за да го зајакне својот индустриски софтверски бизнис и да се натпреварува со ривалите како што се „Siemens“ и „Rockwell Automation“.
Во потег сличен на оној што моментално се разгледува, „Schneider“ ја презеде контролата врз британскиот провајдер на инженерски софтвер „Aveva Group“ во 2017-та година. „Emerson Electric“ направи сличен тип на договор кога спои две од своите софтверски единици со „Aspen Technology“.
Софтверот на „Schneider“ се користи за поддршка на управувањето со производствените процеси, алатките за дизајнирање и обуката на персоналот во фабриката. Услужните индустрии се движат од транспорт до храна и пијалоци и фармацевтски производи.
Зделките почнуваат да се развиваат, особено во технологијата, по долга пауза во изминатите неколку години.
Производителот на софтвер за дизајн „Synopsys“ се согласи да го купи „Ansys“ со договор од 35 милијарди долари за готовина и акции претходно оваа година.„ Hewlett Packard Enterprise“ склучи договор вреден околу 14 милијарди долари за купување на „Juniper Networks“. „Salesforce“, во меѓувреме, разговара за голема зделка за стекнување на провајдерот на софтвер за управување со податоци „Informatica“.
