Кардиоваскуларните заболувања се група на болести кои влијаат на срцето и крвните садови. Иако многу фактори можат да предизвикаат проблеми со срцето, исхраната исто така игра значајна улога. Лекарите открија неколку видови на храна кои имаат најлош ефект врз здравјето на срцето – преработената храна е на прво место.
Преработена храна
„Јадењето преработена храна, која е богата со сол и шеќер, може да биде штетна за нашето кардиоваскуларно здравје“, вели кардиологот д-р Бимал Чајар за Healthshots.
Преработеното месо е најлошата храна за нашето срце. Дополнително, студија од 2021 година открила врска помеѓу поголем внес на преработена храна и сериозни кардиоваскуларни болести.
Пржена храна
Јадењето пржена храна може да го зголеми нивото на крвниот притисок, да го намали ХДЛ „добриот“ холестерол и да предизвика дебелеење, а сето тоа може да го зголеми ризикот од срцеви заболувања. Студијата објавена во 2021 година покажа дека јадењето пржена храна може да го зголеми ризикот од сериозни срцеви заболувања и мозочен удар.
Слатка храна
Редовното консумирање на слатка храна може да доведе до ризик од срцеви заболувања со текот на времето. Студија од 2023 година покажа дека премногу шеќер може да биде штетно за срцето. Затоа, треба да избегнуваме слатка храна и пијалоци, како колачи, слатки и газирани сокови, бидејќи тие можат да придонесат за дебелина и да му наштетат на здравјето на нашето срце.
Рафинирани јаглехидрати
Рафинираните јаглехидрати се храна која поминала низ производствен процес кој го отстранува најголемиот дел од нивната хранлива вредност. На храната која поминала низ овој процес и недостасуваат влакна, витамини, минерали и полифеноли.
„Рафинираните јаглехидрати, кои се наоѓаат во белиот леб и слично, немаат апсолутно никакви влакна и други хранливи материи, што доведува до зголемување на телесната тежина и зголемен ризик од дијабетес и срцеви заболувања“, вели нутриционистот Неети Шарма за Healthxshots.
