Руските специјални сили во четвртокот убија две лица осомничени за планирање терористички напади на југот на земјата, објави Националниот комитет за борба против тероризмот.
Според соопштението на Комитетот, осомничените биле фатени на периферијата на Наличик, главниот град на Република Кабардино-Балкарија и во таа прилика пукале во специјалните сили на Федералната служба за безбедност.
Комитетот не даде детали за дејствијата за кои се верува дека осомничените ги планирале, но пукањето доаѓа во услови на зголемена загриженост за безбедноста по нападот на вооружени лица на 22 март во концертната сала во Москва, во кој загинаа 145 луѓе.
Припадник на Исламската држава ја презеде одговорноста за нападот. Кабардино-Балкарија е во регионот на Северен Кавказ каде што исламскиот екстремизам цвета со децении.
Сепак, Кремљ се обиде за нападот на концертната сала да ги обвини САД, Велика Британија и Украина – иако не даде никакви докази за тоа.
