„SK Hynix Inc.“ планира да потроши 3,87 милијарди долари за изградба на напредна фабрика за производство на чипови и истражувачки центар за производи за вештачка интелигенција (АИ) во Индијана, што претставува победа за администрацијата на американскиот претседател Џо Бајден, бидејќи се обидува да го зголеми производството на полупроводници на американска почва, пишува „Bloomberg“.
Тајванскиот производител на мемориски чипови, втор по големина во светот по удел на пазарот, рече дека ќе го изгради својот прв објект во САД во градот Западен Лафајет, со планови да започне масовно производство во втората половина на 2028-ма година. Фабриката ќе се фокусира на производствена линија за мемориски чипови од следната генерација, критични компоненти на графичкиот процесор што ги обучуваат системите со вештачка интелигенција.
„SK Hynix“ стана клучен играч во бумот во развојот на опрема за вештачка интелигенција како водечки дизајнер и производител на таканаречените HBM чипови кои работат во тандем со процесорите на „Nvidia Corp“. Одлуката беше објавена околу две години откако компанијата ги претстави своите планови за инвестирање во САД.
Проектот на „SK Hynix“ означува значаен чекор напред за амбициите на САД да додадат нов капацитет за производство на напредни чипови. САД поседуваат само 3% од светскиот капацитет, што значи дека фирмите што произведуваат чипови во Америка честопати сè уште мораат да набавуваат делови од Азија за да ги склопат за употреба.
Чиповите станаа бојно поле меѓу Вашингтон и Пекинг, при што САД трошат десетици милијарди долари за да ги отфрлат азиските добавувачи. Американските власти имплементираа огромни финансиски стимулации за да ги натераат светските производители на чипови да додадат капацитет на нивната територија.
