Со помош на „Sora“, „OpenAI“ го создаде првото музичко видео кое е целосно генерирано од вештачка интелигенција.
Музичкото видео за песната „Worldweight“ од Аугуста Кемп е достапно на официјалниот „YouTube“ канал на компанијата. Видеото е, во најмала рака, уникатно, комбинирајќи психоделични визуелни елементи со амбиентална музика.
Во ова видео, гледачите се водени низ различни средини – од облачни плажи до шуми со олтари, па сè до сцени кои потсетуваат на делови од вонземска технологија.
Важно е да се напомене дека деталите за текстуалните наредби користени за создавање на видеото не се откриени, но Камп ја сподели нејзината инспирација за видеото, објаснувајќи дека видеото е токму онака како што таа го замислила при креирањето на песната.
Ова е пример за тоа како напредокот во технологијата за вештачка интелигенција им овозможува на уметниците да ги претворат своите визии во реалност на досега незамисливи начини.
Интересно е што видеото „Worldweight“ не е изолиран случај на користење на „Sora“ за создавање оригинална содржина. Продуцентската куќа „Shy Kids“ исто така ја искористи оваа технологија за да го создаде краткиот филм „Air Head“, кој ја следи приказната за човек со балон наместо глава, дополнително демонстрирајќи ја широчината на можностите што „Sora“ ги нуди во креирањето на визуелна содржина.
