Директорот на Центарот за исчезнати и малтретирани деца во Србија Игор Јуриќ, вели дека развојот на ситуацијата во потрагата по двегодишната Данка Илиќ и видеото од Виена на кое се гледа девојче кое наликува на Данка, укажуваат дека случајот наскоро ќе биде разрешен. Тој истакнува дека постои можност девојката од видеото да е всушност Данка.
„Не сум добил никаква информација, за сега да можам конкретно да го поткрепам тоа што го кажувам со докази, но зборувам од некои мои чувства и од моето, за жал, животно искуство, сега можам да кажам врз основа на многубројните исчезнувања на малолетници за кои претпоставувам дека многу брзо ќе се разреши“, вели Јуриќ.
Тој истакнува дека постои голема можност девојчето фотографирано со две жени во Виена да е Данка, по која се трага од вторникот минатата недела.
Според него, прашање е дали полицијата може да каже нешто конкретно, а да не ја загрози истрагата, но и дали полицијата има информации кои се валидни за да бидат презентирани во јавноста.
„Со оглед на тоа како полицијата го пребарала просторот околу пријавеното место на исчезнување, некако гледам дека тие (полицијата) главно го бараат детето таму – конкретно, ископувале многу работи и ми се чини дека ова е каде отиде нивната трага“, вели Јуриќ.
Како што вели, подобрувањето на полициската комуникација при потрага на малолетници ќе биде една од темите што ќе ги покрене како претставник на невладина организација која е во Работната група за имплементација на системот „Pronađi me“, но само кога ќе биде расчистен случајот со исчезнувањето на двегодишната Данка.
Данка Илиќ исчезна на 26 март во близина на Бањско Поље во Бор, а потрагата по неа трае оттогаш. По неа е распишана потерница од Интерпол, а поради нејзиното исчезнување за прв пат во Србија е активиран системот „Pronađi me“.
