Многу корисници на Фејсбук од 14 часот не можеа да објавуваат нови статуси, а се уште не е познато која е причината за овој проблем. Проблемите за потешкотиите во работењето на Фејсбук се појавија на Тивитер, а се чини дека проблемот е присутен и на компјутерите и на мобилните уреди.
На корисниците им се појавуваат пораки дека постои проблем при објавувањето на нивниот статус, и да се обидат неколку минути подоцна или дека статусот неможе да се објави на ѕидот. Но засега не беа забележани проблеми при конектирањето на самиот Фејсбук.
Овие потешкотии во работата не се толку ретки, но овој дефект е глобален, бидејќи луѓето кај нас, како и бројни странски медиуми известуваат дека тие имаат проблеми со објавувањето статуси, лајкување на Фејсбук и слични работи.