Не е тајна дека новите автомобили добиваат голем удар во вредност откако ќе го напуштат салонот. За некои од нив, пак, бројките се шокантни, а пример за тоа е „Mercedes-Benz EQS“. Луксузниот електричен седан губи неверојатни 48,7% од просечната цена по само една година сопственост, според студијата на „iSeeCars“.
Загубата во вредност е еднаква на 65.143 долари, цената на новата „Е“ класа во САД. И тоа не е единственото електрично возило на списокот на „iSeeCar“ на автомобили со најбрзо намалување на вредноста. Пет од првите десет возила во истражувањето биле електрични автомобили, а на второ место е „Nissan Leaf“. Тој изгубил 45%, што е 15.786 долари за само една година.
На трето место е модел со мотор со внатрешно согорување – „Jaguar F-Pace“, каде загубата е 35,4% (28.555 долари). Слично е со „Alfa Romeo Giulia“ – пад од 33,4% (16.297 долари) и „Kia EV6“ – минус 33.3% (18.081 долари).
Од другите модели кои губат од вредноста се: „Hyundai Ioniq 5“ – 32,9% (16.805 долари), „Volkswagen ID.4“ -32.9% (15.609 долари), „Alfa Romeo Stelvio“ – 32.3% (17.495 долари) исто така спаѓаат во Топ 10 според овој индикатор е и „Mercedes-Benz S-Class“ -31,5% (45.781 долари).
Во исто време, студијата покажува дека има многу возила кои не преземаат такви финансиски удари. Претежно се хибриди, но во челото има модел кој не е својствен за американскиот пазар – „Kia Rio“. Субкомпактниот хечбек изгуби само 0,1% од вредноста за една година, што значи дека малку користениот „Rio“ се продава за онолку колку што е купен. Веројатно помага фактот што моделот е исфрлен од поставата на „Kia“ за 2024-та година.
Лидер во ова рангирање е „Land Rover Range Rover“, чија цена за една година дури се зголеми за 2,8% (4.067 долари). Следат „Kia Rio“ (-0,1% -21 долар), „Mercedes-Benz G-Class“ (-2,3%, – 4.587 долари), „Ford Maverick“ (-4,1%, -1.385 долари), „Ford Maverick Hybrid“ (-4,4%, -1.474 долари), „Toyota Sequoia Hybrid“ (-4,6%, -3.737 долари), „Toyota Corolla Hybrid“ (-5,0%, -1.359 долари), „Toyota RAV4 Hybrid“ (-5,3% , -2.131 долари), „Honda Civic“ (-5,5%, -1.577 долари) и „Kia Sportage Hybrid“ (-5,9%, -2.085 долари).
Студијата опфати проценка на продажните огласи за 1,6 милиони нови и користени автомобили во првите 3 месеци од 2024-та година. Сите возила беа модели од 2023-та и 2024-та година, со просечна километража од 20.000 километри.
