Исто како и моделот „A3 Sedan“, и „Cabriolet“ засега ќе се изработува само во фабриката во Ѓер, а во 2015-та производството ќе се прошири во Кина и Бразил.
Паралелно со почетокот на производството, „Audi“ започна да ги прима и нарачките на купувачите за новиот модел, а првите испораки се очекуваат за пролетта 2014-та. Првата генерација на „Audi A3 Cabriolet“ се произведуваше од 2007-та до 2013-та во Унгарија и Германија, а во тој период од производните летни излегоа околу 63.000 автомобили.
„Audi“ има во план вкупното годишно производство во погоните во Унгарија да достигне 125.000 возила, а покрај „A3 Cabriolet“ и „Sedan“, во оваа фабрика се изработуваат и „Audi TT Coupe“ и „Audi TT Roadster“. Покрај автомобилите во Ѓер се произведуваат и мотори за многу од моделите на „Audi“, а германскиот производител вложи околу 900 милиони евра во оваа фабрика.
„Audi A3 Cabriolet“ имаше премиера на авто-саемот во Франкфурт во септември 2013-та. Во понудата на мотори се вклучени два бензински 1.4 l TSI со 140 ks (103 kW) и 1.8 l TSI, кој произведува 180 ks (132 kW). Дизел верзијата е 2.0 l TDI која развива 150 ks (110 kW).
На овие мотори подоцна ќе им се придружи и 1.6 l TDI со 110 ks (81 kW), како и 2.0 TFSI со 300 ks (221 kW), кој ќе се наоѓа под хаубата на најмоќниот „S3 Cabriolet“.
Новиот „Audi A3 Cabriolet“ ќе чини од 31.700 евра.