Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе index.hr.
Од Државниот инспекторат на Хрватска известија за отповикување на производот Nestlé KIT KAT Mini 200гр во кесичка (производ од вафли покриен со млечно чоколадо), серија: 40580734, рок на траење: 01.2025 година поради присуство на минерални масла.
Производот не е во согласност со Регулативата 178/2002 за воспоставување на општите принципи и услови на законот за храна, основање на Европската агенција за безбедност на храна и воспоставување процедури во областите на безбедноста на храната, се вели во соопштението.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.