Путин по терористичкиот масакр во Москва: Сите ги приведовме, сакаа да избегаат во Украина

Рускиот претседател Владимир Путин и се обрати на нацијата по масакрот во Москва каде што најмалку 143 лица беа убиени во терористички напад во концертната сала „Крокус Сити Хол“.

„Одговорните ќе бидат казнети“, изјави Путин, кој им се заблагодари на итната помош и специјалните служби за нивните напори по синоќешниот напад во Москва, пренесува Би-Би-Си.

Тој рече дека напаѓачите се обиделе да побегнат кон Украина, а како одговор биле засилени безбедносните мерки. Тој го прогласи 24 март за ден на жалост.

Путин додаде дека сите напаѓачи се пронајдени и сега се во притвор, а нападот на концертната сала го нарече „варварски терористички чин“.

„Нашите непријатели нема да не поделат“, рече тој.