Руската служба за безбедност (ФСБ) во петокот објави дека најмалку 40 лица загинале, а над 100 луѓе се ранети во терористички напад во московскиот комплекс „Крокус“.
Како што јави агенцијата Интерфакс, група од пет лица учествувала во пукањето и експлозијата во концертното место „Крокус“.
Се верува дека групата носела маскирна облека и е вооружена со автоматско оружје, според извештајот на Интерфакс.
Во друг извештај на државната новинска агенција ТАСС се вели дека сè уште има луѓе во запалената зграда.
BREAKING: Several armed men have forcibly entered the Crocus City Hall concert venue in Moscow, initiating gunfire targeting everyone inside. Video footage depicts the assailants firing at both civilians and security personnel, with people in panic leaving the building. pic.twitter.com/T324ihV9xK
— I Meme Therefore I Am 🇺🇸 (@ImMeme0) March 22, 2024
Британски Гардијан пишува дека се работи за терористички напад каков што со години не е виден во Русија. Оттаму додаваат дека напаѓачите на концертната сала биле облечени во воени униформи.
Како што јави дописникот на Би-Би-Си од Москва, вечерва во салата Крокс требаше да се одржи поп концерт. Напаѓачите влегле во фоајето на преполната сала и отвориле оган врз цивилите.
