Поранешниот министер за финансии на САД, Стивен Мнучин, во четвртокот изјави дека составува тим од инвеститори кои ќе дадат понуда за купување на TikTok. Еден ден претходно, Претставничкиот дом усвои нацрт-закон за забрана на кинеската апликација во САД или нејзина присилна продажба на американски купувач.
„Тоа е одлична работа и ќе соберам група за да го купам TikTok“. „Иако TikTok е веројатно непрофитабилен, вреди многу пари“, рече Мнучин во изјава за CNBC. Тој рече дека ќе им даде можност на постоечките американски инвеститори да ги пренесат своите удели во TikTok, но нагласи дека ниту еден ентитет нема да има над 10 отсто контрола.
„Нема шанси Кинезите некогаш да дозволат американска компанија да поседува вакво нешто во Кина“, рече Мнучин. Сепак, ByteDance, матичната компанија која го поседува TikTok, можеби нема да смее да го продава на која било компанија надвор од Кина. Кинеската влада смета дека TikTok е чувствителна технологија и официјални лица најавија дека ќе се спротивстават на секоја присилна продажба во која е вклучен странски сопственик, пренесува CNN.
Мнучин беше прв поборник за присилна продажба на TikTok на американска компанија, но се соочи со противење од другите членови на кабинетот на поранешниот американски претседател Доналд Трамп кога продажбата беше предложена во 2020 година. Мнучин ја предводеше финансиската помош од 1 милијарда долари на регионалната банка New York Community Bank пред една недела.
