Додека некои марки решија да се борат на пазарот на ЕВ со тактиката на ниски цени за нивните малку постари модели, други сметаат дека е подобро да се започне со нови автомобили. Меѓу нив е и „Citroen“ кој го продава моделот „e-C3“, а сега се познати и цените.
На клиентите им се достапни две нивоа на опрема – „You“ и „Max“, а цената на основниот модел започнува од 25.900 евра.
Основната верзија е „You“ опрема, која има LED Vision светла со LED дневни светла, задни паркинг сензори, темпомат/ограничувач, клима уред, комплет за поправање гуми, 12V и USB-C приклучок, head-up дисплеј, полнач од 7,4 kW , итн.
Овој модел нема централен екран, туку држач за телефон кој се поврзува со апликацијата „Citroen“ преку „NFC“ (безжичен). Со таа апликација, го користите уредот за пристап до кратенките до телефонот, радиото, навигацијата и музиката.
За „Max“, кој чини 3.600 евра повеќе, се вклучени камера за рикверц, автоматска климатизација, двобојна каросерија, багажници на покривот, 3D LED задни светла и возачко седиште кое се прилагодува на висина.
Разликата е во тоа што овој „Max“ пакет доаѓа и со волан обложен со вештачка кожа, како и со „My Citroen Drive“. Се состои од 10,25-инчен инфозабавен систем, DAB, 3D навигација, безжичен Mirror Screen, два дополнителни USB-C приклучоци, безжично полнење на паметни телефони итн.
Малку за спецификациите: „Citroen e-C3“ е долг 401,5 сантиметри, висок е 157,7 и широк е 175,5 cm. Тежи 1.419 килограми, а волуменот на багажот е 310 литри. Доаѓа со батерија со нето капацитет од 44 kWh и електромотор од 113 ks. Таквата комбинација е доволна за опсег поголем од 300 km, а со еднонасочно полнење од 100 kW, полнењето од 20% до 80% трае 26 минути.
