Астрономите открија квазар 500 трилиони пати посветол од Сонцето, за кое велат дека можеби е најсветлото и „најнасилното“ место во универзумот, пишува Sky News.
Според нив, супермасивната црна дупка што ја движи е помеѓу 17 и 19 милијарди пати поголема од масата на Сонцето и расте со најбрзата брзина досега видена. Квазарите се светлите јадра на „активните галаксии“, оние кои имаат супермасивни црни дупки кои трошат огромни количества материја.
Ротирачкиот диск околу црната дупка е спореден со космички ураган – за кој експертите велат дека емитира толку многу енергија што е повеќе од 500 трилиони пати посветла од сонцето. Кога првпат беше забележана во 1980 година, се мислеше дека е ѕвезда, но минатата година беше откриено дека е квазар.
Според астрономите, квазар со црна дупка во средината расте толку брзо што „голта“ по едно сонце дневно. Квазарот е познат како J0529-4351 и е оддалечен 12 милијарди светлосни години. „Возбудливото нешто во врска со овој квазар е тоа што се криеше пред очите и претходно беше класифициран како ѕвезда“, вели астрофизичарот од Универзитетот Јеил.
