Трамп претстави нова линија на патики, сите распродадени за еден ден

Поранешниот американски претседател Доналд Трамп лансираше линија на патики во саботата, еден ден откако тој и неговите компании добија наредба да платат речиси 355 милиони долари од њујоршки судија во судски процес за измама.

Поранешниот претседател ги претстави „Трамп патиките“ на „Сникер Кон“ во Филаделфија. Додека зборувал, на подиумот поставил пар „златни“ патики чија цена на новата веб-страница е 399 долари, а ги нарекол „Никогаш не се откажувај“, пренесува CNN.

„Ова е нешто за што зборувам 12, 13 години и мислам дека ќе биде огромен успех“, рече Трамп, кој се приближува кон републиканската номинација во 2024 година и потенцијалниот реванш со Џозеф Бајден.

До саботата вечерта, патиките од 399 долари беа наведени како распродадени на веб-страницата. Според сајтот, имало 1.000 пара патики достапни за купување.

Поранешниот претседател исто така веќе продава две верзии на патиките за 199 долари, пишува CNN.