25 јули, 2024
ПочетнаКОМПАНИИ„Shell“ лани оствари поголем профит од очекуваниот

„Shell“ лани оствари поголем профит од очекуваниот

Британскиот нафтен гигант „Shell“ соопшти дека ги надмина очекувањата за годишен профит, известувајќи за зголемување од 4 отсто на својата дивиденда и програма за откуп на акции од 3,5 милијарди долари.

„Shell“ објави приспособена добивка од 28,25 милијарди долари за целата 2023-та година, што е пад од 29% од највисокиот годишен профит од претходната година од 39,9 милијарди долари. Сепак, аналитичарите очекуваа нето добивката на „Shell“ за целата 2023-та година да достигне 27,5 милијарди долари, според консензусот составен од „LSEG“.

За последниот квартал од 2023-та година, „Shell“ објави посилна од очекуваната приспособена добивка од 7,31 милијарди долари.

Компанијата коментира дека резултатите ги одразуваат силните маржи во тргувањето со ЛНГ и оптимизацијата, што го компензира послабото тргување со нафтените деривати.

„Shell“ најави зголемување од 4% на својата дивиденда по акција за четвртиот квартал и соопшти дека ќе спроведе програма за откуп на акции од 3,5 милијарди долари во следните три месеци. Компанијата додаде дека веќе завршила уште еден дел од програмата за откуп од 3,5 милијарди долари објавена во ноември минатата година.

Акциите на лондонската компанија поскапеа за околу 2% во утринската трговија во петокот.

Извршниот директор на „Shell“, Ваел Саван, рече дека е „задоволен од постигнатиот напредок“, но призна дека „има уште да се направи“. Запрашан од „CNBC“ дали постигнува правилен баланс во плановите за капитално трошење поради критиките дека не инвестира доволно во обновливите извори на енергија, тој вели дека енергетската компанија има три клучни области на фокус.

„Продолживме да го зајакнуваме билансот на состојба во 2023-та година. Во однос на распределбата на акционерите, во суштина дистрибуиравме 42% од нашиот вкупен готовински тек од операциите од 23 милијарди долари. Покрај тоа, нашата посветеност за нето нула емисии до 2050-та година останува непроменета“, рече Саван.

Според неговите зборови, на овој начин „Shell“ наоѓа рамнотежа „што ни овозможува да продолжиме да обезбедуваме енергетска безбедност денес, додека инвестираме со вистински фокус на нашата конкурентска сила во енергетската транзиција“.

НАЈНОВИ ВЕСТИ

ХОРОСКОП