Новиот таблет на Lenovo – Miix 2

Уште еден мал таблет со „Windows“ 8.1 пристигнува од „Lenovо“. Станува збор за уредот „Miix 2“ кој доаѓа со екран од дијагонала од осум инчи.

Таблетот е заснован на процесор со четири јадра на „Intel – Atom“ од генерацијата „Bay Trail“, има 2 GB RAM, a ќе биде достапен во верзии со 32 и 64 GB меморија. Резолуцијата на екранот е 1.280 x 800 пиксели, дебелината на куќиштето изнесува само 8,35 mm, додека пак неговата тежина е само 350 грама. Резолуцијата на задната камера изнесува пет мегапиксели, а пак на предната два мегапиксели. Траењето на батеријата е декларирано на седум часа, а таблетот доаѓа со компатибилен „Windows“ со сите достапни x86 апликации (нормално, зависно од хардверските барања).

Продажната цена на таблетот за американскиот пазар е 300 долари, а во цената е вклучен и „Office Home & Student 2013“. За дополнителни 50 долари може да се добие верзијата од 64 гигабајти, а за 20 долари (заедно) се добива „stylus“ и штанд кој воедно може да послужи како сталка за таблетот. Испораката ќе започне кон крајот на месецот.