22 мај, 2024
ПочетнаТЕХНОЛОГИЈАОВА Е НАЈПРОДАВАНИОТ МОБИЛЕН ТЕЛЕФОН НА СИТЕ ВРЕМИЊА: Доминира со години и...

ОВА Е НАЈПРОДАВАНИОТ МОБИЛЕН ТЕЛЕФОН НА СИТЕ ВРЕМИЊА: Доминира со години и никој не го симна од тронот

Во 2021 година, речиси 7,1 милијарди луѓе ширум светот користеле мобилни телефони, што е приближно 90 отсто од светското население. Мобилните уреди станаа незаменлив дел од секојдневниот живот, а елегантните модерни уреди се далеку од нивните први масивни претходници слични на тули.

Но, кои мобилни телефони постигнале најголема продажба во историјата? Користејќи податоци од Wikipedia, Yahoo Finance и технолошката аналитичка компанија Omdia, Палави Рао од Visual Capitalist го прикажа успехот на продажбата на мобилни телефони.

Кој е најпродаваниот?

На врвот на листата на најпродавани телефони на сите времиња е саканиот Nokia 1100, кој постигна импресивни 250 милиони продадени единици за шест години пред да биде повлечен од пазарот во 2009 година.

Иако Nokia 1100 постоеше во исто време кога почнаа да се појавуваат првите паметни телефони на масовниот пазар, како што се Nokia E-серијата, а подоцна и iPhone, неговата прифатлива цена, фокусираноста на основните функции и компактната големина го направија исклучително популарен, особено во земји во развој.

На второ место е друга варијанта на истата линија, Nokia 1110, која е продадена во 248 милиони примероци.

На третото место се iPhone 6 и 6 Plus, кои заедно продадоа вкупно 222 милиони уреди. Овие телефони го означија почетокот на ерата на паметни телефони со голем екран, правејќи ги сè уште најпродаваните модели на iPhone и меѓу најпродаваните паметни телефони досега.

Следните 17 места на листата на најпродавани телефони беа поделени меѓу Nokia и iPhone уредите, со исклучок на Samsung E1100 (11 место) и Motorola Razr V3 (17 место), кои успеаја да ја прекинат доминацијата.

Nokia и Apple доживеаја различни судбини во текот на последната деценија. По дерегулацијата на телекомуникацискиот пазар, Nokia не успеа да се прилагоди на преминот кон паметните телефони и ја загуби доминантната позиција на конкурентите како Apple, Google и Samsung.

Во 2014 година, Microsoft го купи мобилниот бизнис на Nokia во обид да го подобри својот Windows Phone, но кога тој потег не успеа, мобилниот бизнис на Nokia го презеде HMD Global. Денес, HMD Global сè уште произведува телефони на Нокиа, вклучително и модерни верзии на претходните модели со оперативен систем Андроид.

НАЈНОВИ ВЕСТИ

ХОРОСКОП