„Microsoft Corp“ постигна рекордно високо пазарно вреднување од 3 трилиони долари во средата, последниот пример за тоа како оптимизмот за вештачката интелигенција (AI) го поттикнува напредокот на софтверскиот гигант.
Акциите на компанијата се зголемија за цели 1,6% до 405,13 долари по парче, со што пазарната капитализација на „Microsoft“ се зголеми на нешто повеќе од 3 трилиони долари.
Оваа вредност го зацементира статусот на „Microsoft“ како една од најголемите јавно тргувани компании во светот. Накратко го престигна „Apple Inc.“ – која минатата година стана првата компанија која достигна пазарна капитализација од 3 трилиони долари, но последователно повторно заостанаа зад производителот на „iPhone“ и оттогаш двајцата се борат за првото место. Пазарната вредност на „Apple“ во моментов изнесува 3,03 трилиони долари.
„Постои напредок во генеративната вештачка интелигенција, а „Microsoft“ има голема предност во тој поглед“, вели Тед Мортонсон, стратег од технолошкиот сектор во „Baird“.
„Да се види компанија од ваков обем и раст е импресивно, и мислам дека како што компанијата продолжува да расте, цената на акциите ќе продолжи да се зголемува“, додаде тој.
Компанијата со седиште во Редмонд, Вашингтон е дел од т.н „Величествениот седум“ што го поттикна пазарот во 2023-та година, генерирајќи околу 57% од растот. Тој тренд продолжи оваа година, со добивка од 7,7% што го надмина растот од 4,9% на Nasdaq 100. Акциите на „Microsoft“ паднаа за 7,3% од поширокиот S&P 500.
Голем дел од растот го одразува ентузијазмот на инвеститорите за вештачката интелигенција и нејзиниот потенцијал да го забрза растот на приходите и профитот. „Microsoft“, преку своето партнерство со OpenAI Inc., се смета за еден од најголемите корисници на вештачката интелигенција. Компанијата лансираше услуги на ВИ за своите клиенти.
„Разбираме дека компаниите како „Apple“, „Google“ и „Meta“ се обидуваат да ги монетизираат своите генеративни производи со вештачка интелигенција, но мораме да признаеме дека „Microsoft“ во моментов навистина го има единствениот работен модел кој обезбедува претплата на ChatGPT“, коментира Брајан Мулбери, менаџер за портфолио на клиенти во „Zacks Investment Management“.
Побарувачката за вештачка интелигенција и облак услуги за поддршка се очекува да го поддржат растот на „Microsoft“ на долг рок. Приходите на компанијата се предвидува да пораснат за 15% во фискалната 2024-та година, побрзо од компаниите во технолошкиот сектор во целина, според податоците на „Bloomberg Intelligence“.
„Microsoft Corp“ ќе ги објави резултатите од фискалниот втор квартал подоцна овој месец.
Овие резултати покажуваат дека акциите на „Microsoft“ се едни од најпопуларните на Волстрит. Повеќе од 90% од аналитичарите анкетирани од „Bloomberg“ препорачуваат инвеститорите да ги купат акциите на компанијата, бидејќи очекуваат нивната просечна целна цена да се зголеми за 7% од сегашните нивоа.
