Со новиот iOS 17.3, APPLE најави и многу корисна карактеристика – Заштита на украден уред – која, како што сугерира неговото име, носи дополнителен слој на заштита кога вашиот iPhone не е на позната локација и помага во заштитата на вашите сметки и лични информации во случај вашиот iPhone да е украден. Еве што треба да знаете и како да го активирате.
Прво, треба да го ажурирате iOS на најновата верзија на вашиот уред. За оваа функција да работи на вашиот уред, мора да користите двофакторна автентикација за Apple ID и да го поставите или овозможите следново на iPhone: лозинка на уредот, Face ID или Touch ID, Find My и значајни локации.
Потоа, за да ја активирате функцијата, треба да отидете во Поставки и да изберете Face ID и лозинка, да ја пронајдете функцијата Заштита на украден уред и да допрете за да ја вклучите.
Некои функции и дејства имаат дополнителни безбедносни барања
Кога оваа заштита е активирана, некои функции и дејства имаат дополнителни безбедносни барања кога вашиот iPhone е далеку од познати локации како што се дома или работа. Целта е да се спречи некој што го украл вашиот уред и ја знае вашата лозинка да направи критични промени на вашата сметка или уред.
Така, некои дејства како пристап до зачуваните лозинки и кредитни картички ќе бараат биометриска потврда или со Face ID или Touch ID, без алтернативна лозинка или замена. „Значи, само вие можете да пристапите до овие функции“, се вели во соопштението на Apple.
Понатаму, некои безбедносни дејства, како што е промената на лозинката на Apple ID, исто така бараат да почекате еден час и потоа да извршите втора автентикација со Face ID или Touch ID.
Во случај да ви го украдат iPhone, безбедносното одложување е дизајнирано да спречи крадецот да врши критични операции за да имате време да го означите вашиот уред како изгубен и да потврдите дека вашата сметка на Apple е безбедна.
