„De Tomaso P72“ конечно ќе влезе во производствен процес во втората половина на оваа година.
Оваа вест од компанијата ја потврдија на „Instagram“, објавувајќи дека првиот примерок е планиран да биде испорачан пред крајот на 2024-та година.
„De Tomaso P72“ првично беше претставен во 2019-та година, со заоблен дизајн инспириран од автомобилите од 1960-тите, структура од јаглеродни влакна и V12 мотор. За жал, V12 нема да биде во финалната верзија, бидејќи е заменет со „Ford Coyote V8“.
Првично, „De Tomaso“ најави ограничена производна серија од 72 примероци, со почетна цена од 750.000 евра.
Не е јасно дали ги промениле плановите за бројот на произведени единици, ниту пак се знае уште колку примероци од овој хиперавтомобил се достапни за нарачка.
„De Tomaso“ уште во 2022-ра година го претстави P900, кој во суштина е тркачка верзија на моделот „P72“, а се работи за ограничена серија од 18 единици, со V12 мотор и цена од три милиони долари.