Пакистанската армија е на „исклучително висока“ борбена готовност, пишува Ројтерс. Оваа одлука е донесена во контекст на влошените односи со Иран.
Вооружените сили на Пакистан се во екстремно висока готовност – се вели во соопштението на агенцијата.
Неименуван претставник на безбедносните сили додаде дека секоја „авантура“ на иранската страна против Пакистан ќе добие силен одговор.
Вечерта на 16 јануари, иранскиот корпус на исламската револуционерна гарда објави дека лансирал балистичка ракета и беспилотно летало во главната база на терористичката група Џаиш ал Адл, лоцирана во пакистанската провинција Белучистан, која граничи со Иран.
Пакистан остро го осуди иранскиот напад и го отповика својот амбасадор од Техеран во средата, навестувајќи и дека иранскиот амбасадор засега нема да може да ја продолжи својата дипломатска мисија во Исламабад.
Министерството за надворешни работи посочи дека цел на операцијата биле терористи од пакистанско потекло кои се нарекуваат „Сармачари“ на неуправуваните територии во Иран.
Во исто време, Министерството за надворешни работи посочи дека Пакистан го почитува суверенитетот и територијалниот интегритет на Исламската Република Иран, а единствената цел на нападот била да се обезбеди безбедноста и националните интереси на Пакистан.
