Во „BMW“ моментално ги анализираат можностите за зголемување на производството на моделот „i3“, откако за него забележаа голем број на нарачки кои ги надминаа сите очекувања на оваа компанија.
И покрај тоа што овој модел на пазарот нема да се појави до наредниот месец, повеќе од 8.000 купувачи го имаат нарачано овој електричен/хибриден градски автомобил.
Ова навистина е импресивен број кога ќе се земе во предвид фактот дека „BMW i3“ никако не е прифатлив автомобил, кога станува збор за цената, бидејќи за основниот модел потребно е да се одвојат 34.950 евра.
Финансискиот директор на компанијата, Фридрих Ејхинер нагласува дека, доколку побарувачката остане на вакво ниво, тие ќе го зголемат производството.