ЧЕШКАТА ПОЛИЦИЈА ПРОНАЈДЕ ПИСМО НА УБИЕЦОТ: Откриени се деталите за уште две убиства, меѓу жртвите е и двомесечно бебе

Чешката полиција денеска соопшти дека пронашла писмо од студентот кој на 21 декември уби 14 лица во пукањето на Универзитетот Карло во Прага, во кое тој признал дека претходно убил 32-годишен маж и двомесечно бебе во шумата Клановице.

„При претресот на неговата куќа, пронајдено е проштално писмо. Тој го напишал пред да го изврши пукањето. Во него тој призна дека го извршил убиството во шумата Клановице“, изјавил портпаролот на полицијата Јан Данек, пренесува чешкиот портал novinky.cz.

Деталите за тоа злосторство не се соопштени, а балистичките тестови утврдиле дека оружјето користено во шумата Клановице е истото кое било пронајдено во куќата на убиецот.

Убиството на маж и неговото двомесечно дете се случило на 15 декември кога се шетале во шума во близина на Прага.

Во масовно пукање на Универзитетот Карло во Прага, 24-годишниот студент Дејвид Козак уби 14 лица и рани уште 25 пред да се самоубие.