Во пресрет на Божиќ во Ватикан, папата Франциск потсети како Исус оваа ноќ стана човек како сите нас, не од моќ, туку од љубов.
Во својата проповед, папата Франциск потсети на околностите во кои Светото семејство дошло во Витлеем: пребројување на населението во кое световниот владетел сакал да ја докаже својата моќ онолку колку што може да носи мечот.
„Постои опасност при прославата на Божиќ да имаме идеја за Бог во нашите глави како да е моќен владетел кој е на небото: Бог кој е поврзан со светскиот успех и глорификацијата на консумеризмот. Секогаш се враќа лажната слика на недопирлив и непростлив Бог, кој е љубезен кон доброто и полн со гнев против злото. Еден Бог кој е создаден според нашата имагинација и кој служи само да ги реши нашите проблеми и да не ослободи од секакво зло. Но, тој нема волшебно стапче, тој не е Бог на потрошувачката каде што веднаш ќе добиеме се, не спасува со притискање на копче, туку ни се приближува за да ја промени реалноста одвнатре“, проповедаше папата Френциск.
„Да го видиме во него „вистинскиот и жив Бог“ кој стои над сите човечки пресметки и сепак ни дозволува да го вброиме во пресметката на населението. На тој што направи револуција во историјата во која живее: на оној кој толку многу не почитува кој ни допушта да го отфрлиме. На оној кој ги простува гревовите земајќи ги на себе. Кој не ја отстранува болката туку ја менува. Кој не ги решава проблемите во нашиот живот, туку ни дава животна надеж која е поголема од сите проблеми. Тој сака да биде толку блиску до нас што, иако е бесконечен, да стане конечен за нас. Дека тој, кој е голем, станува мал. Дека тој, кој е праведен, влегува во нашите неправди“, вели Папата.
„Тоа е чудото на Божиќ: тоа не е мешавина од кич чувства и световна удобност, туку неверојатната нежност на Бога, кој го спасува светот станувајќи човек“, потсетува папата Франциск во својата проповед оваа полноќ.
