Додека јавноста со нетрпение го очекува појавувањето на новиот топ модел на „Samsung“ да излезе на пазарот, пристигна информација за проблеми со постоечкиот модел „Samsung Galaxy S4“. Се чини дека вградената батерија има одредени проблеми.
Како што јавуваат неколку медиуми, дури 30 проценти од испорачаните телефони „Galaxy S4“ имаат проблем со батеријата. Истите се манифестираат така што батеријата буквално се надувува и индиректно го губи капацитетот и станува неупотреблива.
Наведени се неколку извори кои го имале овој проблем, но кај нас се уште не е забележан таков случај.
Единствената утеха во целата приказна е податокот дека батеријата може да се замени, а доколку веста се покаже како вистинита и ако од „Samsung“ го потврдат проблемот, со сигурност компанијата на сите сопственици на овие уреди бесплатно ќе им ги замени батериите.
